ڪراچي جي علائقي منگهوپير مان گذريل ٻن مهينن کان لاپتا ٿيل نوجوان ڇوڪري سوڀوديرو لڳ پکو لاڙڪ ۾ موجود ھجڻ جو انڪشاف

راڻي پور
(رپورٽر پير سرمد نثار ) ڪراچي جي علائقي منگهوپير مان گذريل ٻن مهينن کان لاپتا ٿيل نوجوان ڇوڪري سوڀوديرو لڳ پکو لاڙڪ ۾ موجود ھجڻ جو انڪشاف وارثن کي بااثر ماڻهن جون ڇوڪري سميت قتل ۽ سگين نتيجا ڀوڳڻ جون ڌمڪيون
تفصيل مطابق: ڪراچي جي منگهو پير واري علائقي مان گذريل ٻن مهينن کان اوچتو لاپتا ٿيل پنجويھ سالا بابرا ملاح سوڀوديرو جي ڳوٺ پکو لاڙڪ ۾ ھجڻ جو انڪشاف ڪندي ڇوڪري جو ڀيڻيوو (پڦاٽ) شاھد ملاح پريس ڪلب راڻي پور ۾ دانھيندي چيو تہ منھنجي سالي ٻہ مھينا اڳ منگهوپير واري علائقي مان اوچتو لاپتا ٿي وئي ھئي جنھن جي ڳولا بعد پتو پيو ڇوڪري سوڀوديرو جي ڀرسان ڳوٺ پکو لاڙڪ ۾ موجود آهي جڏھن مان پنھنجا ٻچا وٺي ڳوٺ پھتس تہ ڇوڪري موجود ڏسي واپسي جي گھر ڪئي تہ اکو لاڙڪ، دلبر لاڙڪ، ليلو لاڙڪ ۽ ٻين گار گند ۽ مارڪٽ شروع ڪري ڏني انھن کان جان بچائي سوڀوديرو ٿاڻي تي پھچي واقعي جو اطلاع ڏنو ھن جو وڌيڪ چوڻ هيو تہ جوابدار بااثر ۽ ڏوھاري قسم جا ماڻهو آھن منھنجي پڦاٽ ۽ منھنجي خاندان کي جي زندگين کي خطرو آهي مان محنت مزدوري ڪري مشڪل سان گھر ھلائيندو آھيان منھنجي پڦاٽ بابرا ننڍي عمر ۾ يتيم ٿي وئي ھئي جنھن جي ڪفالت اسان ڪندا آھيون مان آئي جي سنڌ، ڊي آئي جي ڪراچي، ڊي آئي جي سکر سميت وس وارن ادارن ۽ انساني حقن جي تنظيمن کي اپيل ٿو ڪريان تہ منھنجي پڦاٽ بابرا ملاح کي بازياب ڪرائي اسان حوالي ڪئي سندس جي زندگيءَ کي خطرو آھي اسان سان انصاف ڪيو وڃي