نئين دهلي (ويب ڊيسڪ) ڀارت طرفان پاڪستان ۾ پهريون ڀيرو عورت ڊپٽي هاءِ ڪمشنر کي مقرر ڪيو ويو آهي.
گيتا سري واستوا پاڪستان ۽ ڀارت جي برطانيا کان آزادي بعد پهرين عورت ڊپٽي هاءِ ڪمشنر آ، جنهن کي ڀارتي هاءِ ڪميشن اسلام آباد ۾ مقرر ڪيو ويو آهي، گيتا سري واستوا جلد پنهنجي عهدي جي چارج سنڀاليندي.
گيتا سري واستوا ڀارتي هاءِ ڪميشن ۾ مقرر موجوده ڊپٽي هاءِ ڪمشنر سريش ڪمار جو مدو پورو ٿيڻ کانپوءِ عهدي جي چارج وٺندي.
