ملتان (ويب ڊيسڪ) ملتان ۾ ٽي مهينا اڳ گم ٿي ويل نوجوان جو لاش هٿ ڪري ٽن جوابدارن کي گرفتار ڪيو ويو آهي.
ملتان جي علائقي مظفرآباد ۾ ٽي مهينا اڳ سهيل نالي هڪ نوجوان گم ٿي ويو هو، پوليس سندس اغوا جو ڪيس داخل ڪري جاچ شروع ڪري ڇڏي هئي.
پوليس موجب گذريل ڏينهن مقتول جي ٽن دوستن کي حراست ۾ ورتو ويو هنن انڪشاف ڪيو ته ٽڪ ٽاڪ ٺاهيندي اتفاقي طور تي گولي ڇٽڻ سبب سهيل جو موت ٿي ويو هو ۽ هنن خوف سبب سندس لاش هڪ خالي گرائونڊ زمين کوٽي پوري ڇڏيو هو.
پوليس جوابدارن جي نشاندهي تي لاش به کڏي مان هٿ ڪيو جنهن کي پوسٽ مارٽم لاءِ اسپتال منتقل ڪيو ويو آهي.
پوليس موجب جوابدارن جي بيان ۾ ڪنهن حد تائين حقيقت آهي؟ ان تي وڌيڪ جاچ جاري آهي.
