اسلام آباد (ويب ڊيسڪ) اسلام آباد پوليس جلسو وقت تي ختم نه ڪرڻ، پوليس تي پٿراءَ ۽ روٽ جي ڀڃڪڙي تي پي ٽي آءِ قيادت خلاف ٽي ڪيس داخل ڪري ورتا.
پوليس ذريعن جو چوڻ آهي ته پي ٽي آءِ انتظاميا خلاف پهريون ڪيس سنگجاني ٿاڻي ۾ جلسي جي مقرر وقت جي پاسداري نه ڪرڻ تي داخل ڪيو ويو آهي، ٻيو ڪيس سمبل ٿاڻي ۾ مقرر روٽ جي ڀڃڪڙي تي ۽ ٽيون ڪيس ايس ايس پي سيف سٽي سميت ٻين اهلڪارن تي پٿراءُ ڪرڻ تي نون ٿاڻي ۾ داخل ڪيو ويو آهي.
ذريعن موجب ڪيس ۾ زرتاج گل، عامر مغل، شعيب شاهين، عمر ايوب سميت ٻين 28 اڳواڻن کي نامزد ڪيو ويو آهي.
