شاهه رخ خان جي نئين فلم پٺاڻ هنيئر تائين 970 ڪروڙ رُپين جو ڪاروبار ڪري چڪي آهي ۽ هر پاسي فلم جا چرچا آهن
ان فلم جي ڪاميابيءَ سان گڏوگڏ فلم ۾ شاهه رخ خان ۽ سلمان جا ٻه دلچسپ منظرن تي به تبصرا ٿي رهيا آهن ۽ فلم ۾ سلمان خان جي انٽري تي پرستارن جي ردعمل کي ڏسندي هڪ ڀيرو وري اِهي ڳالهيون زور وٺي رهيون آهن ته هنن ٻن وڏن سُپر اسٽارز کي گڏ وڏي پردي تي آڻڻ ڌماڪيدار فيصلو هوندو
ان خيال کي ڌيان ۾ رکندي ۽ فلم پٺاڻ جي ڪاميابي کانپوءِ ان فلم جو پروڊيوسر اديته چوپڙا ٻنهي خانز کي گڏ پردي تي آڻڻ لاءِ اسڪرپٽ تيار ڪري رهيو آهي
پرڏيهي خابرو اداري موجب يش راج فلمز طرفان پٺاڻ ۽ ٽائيگر جي مقابلي جي فلم اسڪرپٽ تي ڪم شروع ٿي ويو آهي جيڪا ٻن هيروز جي ايڪشن فلم هوندي
ائين لڳي ٿو ته جيئن هي فلم ” بيٽ مين مقابلو سُپر مين “ جهڙي هوندي، جنهن ۾ انڊسٽري جا ٻه وڏا سُپر اسٽار هڪٻئي سان مهاڏو اٽڪائيندا ۽ اِهو 30 سالن کانپوءِ
ياد رهي آخري ڀيرو ٻنهي اداڪارن ڪنهن ايڪشن فلم ۾ ٽيهه سال اڳ ڪم ڪيو اُها پنهنجي زماني جي سُپر هٽ فلم ڪرن ارجن هئي
