ڪراچي (ويب ڊيسڪ) ڏکڻ آفريقا جي عورتاڻي ڪرڪيٽ ٽيم پاڪستان جي دوري تي ڪراچي پهچي وئي، وومينز ٽيم کي صدر جي برابر سيڪيورٽي ڏني وئي آهي.
پاڪستان جي سرزمين تي پهريون ڀيرو ڪرڪيٽ کيڏڻ لاءِ آيل ڏکڻ آفريقي وومين ٽيم کي صدارتي پروٽوڪول ۾ ڪراچي ايئرپورٽ کان هوٽل منتقل ڪيو ويو.
پوليس ٻڌايو ته مهمانن کي ڀرپور سيڪيورٽي فراهم ڪندي صدر جو پروٽوڪول ڏنو پيو وڃي.
واضح رهي ته ڏکڻ آفريقا ۽ پاڪستان جي وومينز ٽيمن وچ ۾ ٽي ٽوئنٽي ۽ ون ڊي ميچون کيڏيون وينديون.
