بيجنگ (ويب ڊيسڪ) چين جي شهر نانجنگ جي شاپنگ مال ۾ تعمير ڪيل خوبصورت ترين باٿ روم ماڻهن جي ڌيان جو مرڪز بڻيل آهي.
سڄي دنيا جو سڀ کان وڌيڪ شاندار باٿ روم شنگهائي کان 270 ڪلوميٽر پري نانجنگ جي هڪ شاپنگ سينٽر جي ڇهين منزل تي موجود آهي.
ان مال جي باٿ روم کي هيل تائين سڄي دنيا جو سڀ کان شاندار عوامي باٿ روم قرار ڏنو ويو آهي.
اهو باٿ روم شنگهائي ۾ موجود آرڪيتيڪچرم فرم ”X+Living“ تيار ڪيو آهي.
جڏهن اوهان نانجنگ جي ڊيجي (Deji) پلازا شاپنگ سينٽر جي ڇهين منزل تي باٿ روم ۾ داخل ٿيندئو ته اوهان کي ائين محسوس ٿيندو ڄڻ اوهان هڪ شاندار محل ۾ قدم رکيو آهي.
اها باٿ روم هڪ ڊگھي رستي کان شروع ٿئي ٿي جنهن جي ڀتين ۾ بوٽا لڳل آهن. باٿ روم جي ان حصي کي هڪ باغ ۾ واڪ ڪرڻ جي تجربي جي طور تي ڊزائين ڪيو ويو آهي.
