ڄمندي ئي اغوا ٿي ويل شخص جي ماءُ سان 42 سالن کان پوءِ ملاقات جي جذباتي وڊيو ڏسندڙ جون اکيون آليون ڪري ڇڏيو، پٽ جي ملاقات جي وڊيو سوشل ميڊيا تي وائرل ٿي وئي.
چلي سان واسطو رکندڙ جمي ليپرٽ يقين ڪري ورتو هو ته سندس ڪو به مائٽ دنيا ۾ موجود ناهي ۽ هو هڪ پاليل ٻار آهي، پر هاڻ هو ٻيهر پنهنجي ماءُ ۽ خاندان سان ملي ويو آهي، 42 سالن کان پوءِ ماءُ ۽ پٽ جي ملڻ جي وڊيو سوشل ميڊيا واهپيدارن کي جذباتي ڪري ڇڏيو آهي.
ڪجهه ڏينهن اڳ جمي هڪ آرٽيڪل پڙهيو هو جنهن ۾ ڪيليفورنيا سان واسطو رکندڙ هڪ شخص جو ذڪر هو جنهن جي اغوا ٿيڻ جي گھڻن سالن بعد پنهنجي ماءُ سان ملاقات ٿي هئي.
جمي سوچيو ته متان هن جي ڪيس ۾ به ائين ئي ٿئي ۽ ڪجهه ڏينهن کان پوءِ اهو ئي واقعو جمي سان به پيش آيو ۽ کيس ڪنهن ذريعي کان خبر پئي ته سندس خاندان به آهي.
