ممبئي ( ويب ڊيسڪ ) اڄڪلهه ڀارت ۽ آسٽريليا وچ ۾ ٽيسٽ سيريز جاري آهي، ٽيسٽ اسڪواڊ ۾ شامل نه ٿيڻ هجڻ واري موقعي جو فائدو وٺندي ڀارتي آل رائوندر هاردڪ پانڊيا هڪ ڀيرو وري شادي ڪرڻ جو فيصلو ڪيو آهي
ڀارتي ميڊيا موجب ڪرڪيٽ تان بريڪ وٺڻ دوران هاردڪ پانڊيا هڪ ڀيرو وري شادي ڪرڻ جون تياريون ڪري رهيو آهي
واضح رهي ته هاردڪ پانڊيا بالي ووڊ اداڪارا نتاشا اسٽينڪووچ سان 31 هين مئي 2020ع تي ممبئي جي هڪ عدالت ۾ شادي ڪئي هئي ۽ جوڙي کي هڪ پٽ جو اولاد پڻ آهي
هاردڪ پانڊيا ڪنهن سان شادي ڪري رهيو آهي؟
پرڏيهي ميڊيا موجب هاردڪ پانڊيا ۽ نتاشا 14 فيبروري تي ويلنٽائن ڏهاڙي تي هڪ ڀيرو وري شادي ڪري رهيا آهن
جوڙي جي ويجهن ذريعن موجب عدالت ۾ پسند جو پرڻو ڪرڻ سبب هاردڪ ۽ نتاشا شادي جي ڪائي شاندار تقريب نه ڪئي هئي پر هاڻي ٻنهي ڌام ڌوم سان شادي ڪرڻ جو فيصلو ڪيو آهي
رپورٽس موجب شادي جون تقريبون 13 فيبروري کان راجسٿان جي شهر اُديپور ۾ شروع ٿينديون جيڪي 16 فيبروري تائين جاري رهنديون
