ڏهرڪي( رپورٽر شيراز احمد) نجي ڪاٽن فيڪٽري ۾ رکيل ڪپهه کي مبينا طور باهه لڳي وئي، جنهن جي نتيجي لکين رپين جي ماليت جي ڪپهه سڙي وئي.
ڏهرڪي جي ٽي روڊ اينگرو ٽي چوڪ ويجهو ايس ايس ڊي ڪاٽن فيڪٽري ۾ اوچتو ميدان تي پيل ڪپهه کي باهه وڪوڙي وئي.
فائر بريگيڊ عملو اطلاع ملڻ باوجود موقعي تي پهچي نه سگهيو جنهن سبب لکين رپين جي ماليت جي ڪپهه سڙي رک ٿي وئي.
ٻئي پاسي فيڪٽري مالڪن باهه جو اطلاع ڏيڻ باوجود واقعي واري هنڌ نه پهچي سگهيا، فيڪٽري ۾ موجود پورهيتن کي باهه لڳڻ جو سبب معلوم نه ٿي سگهيو.
مقامي ڪمپني اينگرو ماڙي گئس جي آفيسرن واقعي واري هنڌ پهتي باهه وسائڻ لاءِ ماڙي گيس مان فائر برگيڊ طلب ڪري ورتي.
