اسلام آباد (ويب ڊيسڪ) چيف جسٽس قاضي فائز عيسيٰ گارڊ آف آنر وٺڻ کان انڪار ڪري ڇڏيو.
چيف جسٽس قاضي فائز عيسيٰ کي سپريم ڪورٽ پهچڻ تي اسلام آباد پوليس طرفان گارڊ آف آنر پيش ڪيو وڃي ها پر جسٽس گارڊ آف آنر وٺڻ کان انڪارڪيو.
چيف جسٽس قاضي فائز عيسيٰ پوليس کي پنهنجي ذميواري دل سان ادا ڪرڻ جي هدايت ڪئي.
چف جسٽس جو سپريم ڪورٽ آمد تي عملي آڌرڀاءُ ڪيو.
ان موقعي تي عملي سان ڳالهائيندي چيف جسٽس قاضي فائز عيسيٰ چيو ته اڄ سندس گهڻيون گڏجاڻيون ۽ فل ڪورٽ آهي، اوهان جو سهڪار گهرجي.
هن عملي کي چيو ته اوهان سان تفصيلي ملاقات ڪندس، ماڻهو سپريم ڪورٽ خوشي سان ناهن ايندا، ماڻهو پنهنجا مسئلا ختم ڪرائڻ لاءِ سپريم ڪورٽ ايندا آهن.
چيف جسٽس قاضي فائز عيسيٰ چيو ته ايندڙ ماڻهن سان مهمان جهڙو ورتاءَ ڪيو وڃي، يقينن ڪجهه ماڻهن کي پريشاني ٿيندي آهي، انصاف جا درواز کليل رکو ۽ ايندڙ ماڻهن جي مدد ڪريو.
