اسلام آباد ( ويب ڊيسڪ ) نگران وزيراعظم انوار الحق ڪاڪڙ چيو آهي ته بجلي جي بلن ۾ اضافو ٽيڪس جي بي ترتيب نظام هن مسئلي جي نشاندهي ڪري رهيو آهي ۽ ڪنهن ٽيڪس جي بي ترتيب نظام طرفان ڌيان ئي نه ڏنو.
پنهنجي هڪ بيان ۾ انوار الحق ڪاڪڙ چيو ته نگران ڪابينا ۾ بهتر ماڻهو جي چونڊ ڪئي وئي آهي، ملڪن تي ڏکيون حالتون اينديون رهنديون آهن، 1970ع ۾ اسرائيل ۾ ناڻي جي واڌ هڪ هزار سيڪڙو وڌي هئي.
سندس چوڻ هو ته معيشيت جا مسئلا هر ملڪ ۾ هوندا آهن، هو معاشي مسئلن جي حل لاءِ ڪوششون ڪري رهيا آهن، نگران وفاقي ڪابينا ۾ باصلاحيت ماڻهو موجود آهن.
نگران وزيراعظم انوار الحق ڪاڪڙ چيو ته حڪومت معيشيت جي بهتري لاءِ ڪم ڪري رهي آهي، دنيا معدني ذريعن سان پنهنجي معيشيت کي مضبوط ڪيو، معدني شعبي ۾ 5 کان 6 ٽريلين ڊالر جي صلاحيت موجود آهي.
هن چيو ته زراعت جي شعبي جي ترقي لاءِ جديد طريقي سان ڪم ٿي رهيو آهي، دفاعي پيداوار جي شعبي جي صلاحيت کي به وڌائي رهيا آهن، گڏجي پختي عزم سان ملڪي ترقي لاءِ ڪم ڪرڻو پوندو.
