اسلام آباد (ويب ڊيسڪ) سپريم ڪورٽ اليڪشن ٽربيونل جو ڪيس ڪاز لسٽ مان ڊي لسٽ ڪري ڇڏيو.
چيف جسٽس قاضي فائز عيسيٰ جي سربراهي ۾ 5 رڪني بئنچ کي 19 آگسٽ تي ٻڌڻي ڪرڻي هئي.
ذريعن موجب ڪيس سلمان راجا جي وڪيل جي درخواست تي ڊي لسٽ ڪيو ويو، سلمان راجا جي وڪيل حامد خان درخواست ڏني هئي ته هو 6 ڊسمبر تائين موڪل تي آهي.
سپريم ڪورٽ پنجاب ۾ اليڪشن ٽربيونلز جي جوڙجڪ جو هاءِ ڪورٽ جو فيصلو معطل ڪيو آهي.
سپريم ڪورٽ لاهور هاءِ ڪورٽ طرفان ٽربيونلز جي جوڙجڪ جو نوٽيفڪيشن به ڪالعدم ڪيو آهي.
سلمان اڪرم راجا سپريم ڪورٽ جي فيصلي خلاف اپيل داخل ڪئي آهي.
