ڪراچي (ويب ڊيسڪ) صدر آصف علي زرداري جي ڌيءُ بختاور ڀٽو زرداري ٽئين پٽ کي جنم ڏئي ڇڏيو.
انسٽاگرام تي بختاور ڀٽو ۽ سندس مڙس محمود چوڌري اها خوشخبري پنهنجي چاهيندڙن کي ڏني ۽ الله جو شڪر ادا ڪيو.
بختاور پنهنجي ٽئين پٽ جو نالو ناهي ٻڌايو پر هن لکيو ته ٽئين پٽ جي پيدائش گذريل ڏينهن 20 آڪٽوبر تي ٿي.
بختاور ڀٽو طرفان اهڙي خبر سوشل ميڊيا تي شيئر ڪندي ئي کيس مبارڪباد ڏيڻ ۽ سندس لاءِ نيڪ خواهشن جو سلسلو شروع ٿي ويو.
واضح رهي ته بختاور ڀٽو زرداري 31 جنوري 2021 ۾ محمود چوڌري سان شادي ڪئي هئي ۽ اڳ ۾ ڄاول سندس ٻن پٽن جا نالا مير حاڪم محمود چوڌري ۽ مير سجاول محمود چوڌري آهن.
